من يدعي تمثيل السوريين هذا ما يجب فعله

من يدعي تمثيل السوريين عليه أن يضع مصلحتهم في مقدمة الأوليات. ومن يعتقد أن مصلحة السوري أولوية يجب أن يكون على استعداد لاتخاذ قرارات صعبة تصب في مصلحة السوريين جميعاً.
هذا الأمر مطلوب من جميع الأفرقاء الذين يتصيدون بعضهم البعض ولا يهتمون بأي شي إلا بمصالحهم الضيقة والخاصة. إذا العائلة الواحدة منقسمة كيف بدو البيت يمشي، وإذا رب الأسرة ماعم يحسن يتصرف مع اولادو بفترة المراهقة وصاروا كل مين ايدو الو شو ممكن يعمل. الأسرة السورية اللي فيها المتزمت والمتحرر والسكرجي والحشاش والمتطرف واللي مافارقة معو والعايشة عالموضة واللي عمرها مابتصلي واللي مابتفلت فرض، شو برأيكم لازم يعمل المسؤول عن الأسرة بالحالة؟
بيترك كل واحد لحالو ولي بيجر ولادو يعمل كل واحد متل مابدو؟
بالشرق السيناريو أعلاه يبدو مشكلة لأنو كلا الخيارين لا يحصل على الحد الأدنى من التوافق. بالغرب بسبب الخبرة وثقافة قبول الآخر و الاختلاف ما بيفكرو بهيك أمور لأنو كل واحد لحالو، بس عنا يارب العفو، كل واحد بدو يشتغل منظر وكل واحد مفكر حالو قيم عالبلد وبينظر هالكل حتى من دون ما يطلب منو حدى رأيو.
شعب بيعتبر كلشي قضيتو. هيك بلدنا صاير فيه عيلة كبيرة أفرادها مختلفين و غريبي الأطوار وكل واحد مفكر حالو وصي عالتاني، خلي كل واحد بحالو والله الكل بيضل مرتاح.