هل ما يحدث ثورة جوع
بدنا نفهم كنو اللي عم يصير ثورة عالقرارات الحكومية الأخيرة ولي ثورة جوع ولي ثورة كرامة، لا بد من الاتفاق على التسمية، هالشغلة كتير ضرورية. بتعرفوا من ١٢ سنة ما عرفنا شو كان الاسم ضاعت الطاسة ماعاد عرفنا كنا حرية ولي تعددية سياسية ولي موضة.
رايح يصير فينا أسوأ من لبنان الشقيق، لكتر ماحكو عن السيادة والاستقلال طلعو أبعد مايكون عن السيادة والاستقلال والقرار الحر. اللي مو قادر يشوف إنو الإجماع هي مفردة مالازم حدى يستخدمها فهو لم يستفد من المآسي السابقة، ماحدى بيحقلوا يقول كل الناس على جهة اليمين أو كلن على جهة اليسار بدون مايسألن.
اقرأ أيضا:الهروب من الذئب .. عار لاتستحقه السويداء
اللي بينادي بدولة القانون واللي بيطالب بالاحترام واللي بيطالب بالمحاسبة واللي بيطالب بتحسين الخدمات والحياة المعيشية وبمسؤولية صعب حدى يعارضو.
عندما تغيب المسؤولية عن أي وجهة نظر أو رأي أمام العامة ماذا يمكن أن نسمي هكذا تصرف. اسألوا أقرباءكم في البلدان الأوربية من تسنى لهم فرصة ممارسة الديمقراطية الحقيقية، هل يجرؤ أحد منهم على فرض رأيه على زوجتو ؟ نعم لكل منهم رأيه وحيزه الذي لا يمكن مصادرته.
أي واحد ممكن يعبر عن رأيه ولكن هذا يتطلب منه مسؤولية تجاه مايصدر عنه. فلا يستطيع أحد شتم أحد لأنو القانون بيحميه، نحن ثقافة الإلغاء والشتم والشماتة والانتقام والتشفي كفيلة بإنو تخلينا بعيدين كتير عن ثقافة العيش المشترك والاحترام. وصلنا لقناعة بإنو حتى لو تغيرت الحكومة وتم تعيين فريق حكومي اقتصادي من نخبة النخب ماراح تتغير الأمور لأنو نحن ما حابين نتغير ونحن ماحابين نشتغل.
اقرأ أيضا:اللقاء الذي فجّر العلاقات بين دمشق وأنقرة
رغم إنو فيه تقصير حكومي كبير وخدمات سيئة فهذا لا يبرر أبدا أن نكون سلبيين وغير متعاونين وماحابين نشتغل. طبعاً مو المقصد نشتغل بدون مقابل بس أكيد فيه تقصير من الكل واللي بيعتقد إنو مافيه يعمل شي وإنو هوي مابيأثر بيكون غلطان. والله البلد موجوع بحاجتنا كلنا ونحن موجوعين وبحاجة البلد متل حاجتو إلنا. إذا راح نضل نحارب البعض ببعضنا البعض ماراح تقملنا قائمة قريباً.
واللي مفكر إنو حدى راح يساعدنا إذا ماساعدنا حالنا بيكون شاطح بالأحلام. حتى التفكير البسيط بمبدأ المصلحة ممكن يعمل فرق ويطلع مع كتير إنو مصلحتو الاولى والأخيرة مع الوفاق ومع انو يشتغلوا مع بعض ويحبو بعض. الله يرحمك يا الياس الهراوي كان دائماً يوصي اللبنانيين ويقلن ” أيها اللبنانيون حبوا بعضكم بعضا” ماكانوا بسمعوا منو.
صفحة الفيس بوك:https://www.facebook.com/narampress/