هذا ما يمكن فعله حتى يبرد الشارع

ساعة اللي المسؤول بيشتغل اللي عليه وبينال رضى الناس، هي شي يحسب إلو وأكيد لازم يكون فيه منفعة إلو أكتر من الابتعاد عن الناس والضرب بعرض الحائط متطلباتن.
المسؤول اللي مابيخاف من حدى بيخوف، والهيئات المسؤولة عن الدفاع عن حقوق الناس من سلطة تشريعية و نقابات مهنية وغيرها وماعم تقوم بهالواجب هيي عم تساهم في مفاقمة الأمور.
بس تصير ردود الأفعال هي النهج المتبع راح يصير فيه استنزاف لأي أمل بالأحسن وهذا الأمر ليس في صالح أحد. الوضع ما بيحمل كتير شد ورخي ومواربة ووعود خلبية. خلص تتسمى الأمور بمسمياتها وببساطة، مابدنا مسؤول متل وزير الكهرباء يقلنا عن الحاجة والانتاج، بدنا واحد يحكي حكي واضح مثلا: اليوم فينا نجيب الكهرباء للكل ٦ ساعات باليوم وبعد اسبوعين بتصير ١٠( واذا طلع حكيو متل حكي الراعي بقصة الراعي والذئب، لازم يتحاسب أو يتعرض للمساءلة أقل شي, معقول هيك شغلة مافيها الحكومة تعملها).

اقرأ أيضا:السوريون يعيشون أسوأ أيام حياتهم خلال الأزمة.. البنزين أغلى من زيت الزيتون
شغلة تانية، يا جماعة والله ماظابطة كل ماواحد حكي كلمة لأنو عم يعبر عن استياؤو نروح نخونو، هالشي مانو منيح أبدا وليس في صالح سوريا ولا في صالح العيش المشترك.
وبالأخير حق الواحد يحب اللي بدو ياه، ومابيصير الواحد ينتقم من الآخر تحت أي مسمى والله ماناقصنا مآسي.
الله يمرر هالأيام على خير ويفرجها على البلد ويبعت الخير للناس جميعاً.

صفحة الفيس بوك:https://www.facebook.com/narampress